Emisari i Bashkimit Evropian për dialogun Kosovë-Serbi, Miroslav Lajçak, ka njoftuar për dështimin e takimit të parë të Komisionit të përbashkët për persona të zhdukur.
Në një shkrim në “X”, Lajçak ka thënë se është takuar veçmas me të dyja palët, por Serbia nuk mori pjesë në takimin e përbashkët. Emisar sllovak ka shkruar se Kosova i ka prezantuar prioritetet.
“Sot synuam të mbajmë mbledhjen e parë të Komisionit të Përbashkët për Persona të Zhdukur në nivel komisionesh. Jam takuar veçmas me të dyja palët. Kosova prezantoi prioritetet e saj. Serbia ka njoftuar për mospjesëmarrje në një takim të përbashkët për shkak të zhvillimeve në Kosovë”, ka shkruar Lajçak.
