Një person është gjetur pa shenja jete të hënën në fshatin Hade të komunës së Obiliqit.
Zëdhënësja e Policisë për rajonin e Prishtinës, Flora Ahmeti, ka thënë se vdekjen e viktimës e ka konfirmuar ekipi mjekësor në vendin e ngjarjes.
Nuk dihen rrethanat e vdekjes së tij.
“Sot rreth orës 06:00, policia ka pranuar informatën për një person pa shenja në fshatin Hade të komunës së Obiliqit. Menjëherë pas marrjes së informatës, policia ka dalë në vendin e ngjarjes ku ka ftuar edhe mjekët emergjentë, me ç’ rast është konfirmuar se viktima, mashkull është pa shenja jete”, ka thënë ajo.
Ahmeti ka shtuar se aktualisht policia po i trajton të gjitha rrethanat që e karakterizojnë ngjarjen.
