Operacion i madh përpara gjykatës rajonale në Bielefeld: Të shtëna u dëgjuan para ndërtesës. Mësohet se janë plagosur disa persona. Aty sot nga ora 9 u zhvillua gjyqi i boksierit të vrarë, Besar Nimani.
Kështu të paktën po raporton mediumi gjerman ‘WDR’, ku citon se dëshmitarët okularë kanë thënë se kanë parë disa persona të shtrirë në tokë, pas plagëve të marra, përcjell Insajderi.
Sipas WDR, aty janë parë dy të plagosur që duhej të ringjalleshin. Sipas mediumit, mësohet se janë babai dhe vëllai i të pandehurit në procesin Nimani.
Çdoherë sipas mediumit, ditën e parafundit të gjykimit, motra e boksierit të vrarë mësohet se ka tentuar të futë një thikë në sallën e gjyqit, por sipas avokatit mbrojtës është dashur ta dorëzojë në kontrollin e hyrjes.
Sipas BILD-it gjerman, gjyqi i boksierit Nimani filloi në orën 9 të mëngjesit. I dyshuari për vrasjen, Hüseyin Akkurt, i cili u arrestua në Bruksel në mes të korrikut, është në gjyq. Një i dyshuar i dytë është ende në arrati.
BILD’it i kanë thënë dëshmitarët okularë se kanë dëgjuar zyrtarët policorë nga salla duke thënë: “Dikush po qëllon jashtë!” Pastaj të gjithë dolën me vrap në rrugë.
Mediumi thotë se vëllai i të akuzuarit është plagosur në këmbë, ndërsa babai i tij në gjoks i cili është në gjendje kritike. /Insajderi.org/
