“Rheinmetall” ka thënë se do të investojë më shumë se 300 milionë dollarë në objektin e ri. Pritet që do të prodhojë rreth 200 mijë predha artilerie çdo vit. Shefi Armin Pappergeri ka thënë se do të duhet “kohë e gjatë” për t’u përgatitur kundër një “agresori që dëshiron të luftojë kundër NATO-s”.
Evropës do t’i duhen 10 vjet para se të jetë plotësisht e gatshme për ta mbrojtur veten, ka thënë shefi i firmës më të madhe gjermane të mbrojtjes, “Rheinmetall”.
Armin Papperger ka thënë se rezervat e municionit janë për momentin “të zbrazëta”.
Këto komente Papperger i bëri gjatë një vizite të kancelarit gjerman, Olaf Scholz, në një ceremoni për vendosjen e themeleve për një fabrikë të re të madhe për prodhimin e armëve në Saksoninë e Poshtme.
Ministri i Mbrojtjes i Gjermanisë, Boris Pistorius, dhe kryeministrja daneze, Mette Frederiksen, kanë qenë gjithashtu pjesë e kësaj ceremonie.
Komentet vijnë pas deklaratave të ish-presidentit të SHBA-së, Donald Trump.
Trumpi ka thënë që dikur i kishte thënë një lideri të botës se nuk do t’i mbronte anëtarët e NATO-s, të cilët nuk paguajnë detyrimet e tyre dhe do t’i “shtynte” agresorët të “bënin çfarë të duan”.
“Rheinmetall” ka thënë se do të investojë më shumë se 300 milionë dollarë në objektin e ri. Pritet që do të prodhojë rreth 200 mijë predha artilerie çdo vit.
Pappergeri ka thënë se do të duhet “kohë e gjatë” për t’u përgatitur kundër një “agresori që dëshiron të luftojë kundër NATO-s”.
“Jemi gati pas tre, katër vjetësh – por për të qenë plotësisht gati, na duhen 10 vjet”, ka thënë Pappergeri. “Duhet të prodhojmë 1.5 milionë municione në Evropë. Sasi e madhe e municionit është dërguar në Ukrainë, duke lënë pak për rezervat evropiane. Për sa kohë që kemi luftë, duhet të ndihmojmë Ukrainën, por më vonë do të na duhen 5 vjet minimumi për furnizim dhe 10 vjet për t’u furnizuar plotësisht”.
Scholzi në fillim ka refuzuar të tregojë nëse është i shqetësuar për komentet e Trumpit.
Të martën, ai ka postuar në platformën X, duke përshkruar komentet e Trumpit si “të papërgjegjshme dhe të rrezikshme”.
Kur është pyetur se nëse Evropa duhej të bëhej gati t’ia dalë e vetme në rast se SHBA-ja tërheq mbështetjen e saj, kryeministrja daneze Frederiksen ka thënë se Evropa duhet të jetë gati “pa marrë parasysh çka”. Ajo shtoi se “Rusia gjithnjë më agresive” është dëshmi që Evropa duhet të bëhet gati.
“Duhet të nxitojmë dhe kjo është arsyeja pse unë jam këtu”, ka thënë Frederiksen.
Janë bërë gati dy vjet prejse Scholzi ka deklaruar “Zeitenwende” – kthesë në politikën e jashtme dhe të mbrojtjes gjermane – e ndjekur nga pushtimi i plotë i Ukrainës nga Putini.
Ka pasur njohje të gjerë se politika e “ndryshimit të tregtisë” me Rusinë ka dështuar.
Aleatët kanë shpresuar se Gjermania, ekonomia më e madhe e Evropës, do të merrte rol në siguri dhe të largojë kujdesin tradicional.
Sidoqoftë në vitin 2023, Gjermania ka qenë në mes të shumicës së anëtarëve të NATO-s që parashikoheshin të dështonin në objektivin e shpenzimeve prej 2% për mbrojtje.
Berlini pritet të kapë 2% në vitin 2024 – por vetëm përmes një fondi të vetëm.
“Evropa ka qenë duke investuar më shumë që nga pushtimi i plotë i Ukrainës nga Rusia”, ka thënë Claudia Major nga Instituti Gjerman për Marrëdhëniet e Jashtme dhe të Sigurisë. “Por, për të qenë të sinqertë, e dimë për momentin, ne një konflikt konvencional, evropianët nuk mund të mbrojnë veten pa ndihmën e SHBA-së”, ka shtuar ajo.
Ajo thotë se “shumë është bërë” që nga “Zeitenwende” – por akoma jo mjaftueshëm për të përballuar spektrin e plotë të sfidave të sigurisë globale.
Pappergeri ka pranuar se “Zeitenwende” nuk është “vetëm fjalë”
Çmimi i aksioneve të “Rheinmetall” është rritur që nga pushtimi i plotë rus i Ukrainës.
Ndërsa askush nuk e di se çfarë do të ndodhë në zgjedhjet presidenciale të SHBA-së këtë vit, komentet e Trumpit konsiderohen si thirrje zgjimi për të gjithë Evropën – edhe pse nuk mund të konsiderohet si e para.
