Kosova dhe Serbia zhvilluan takimit e tretë në Bruksel për çështjen e dinarit. Në të parin, patën marrë pjesë përfaqësues të Bankës Qendrore të Kosovës ndërkaq në dy të tjerët, shkoi kryenegociatori Besnik Bislimi. Në një letër të Përfaqësuesit të Lartë, Hoze Borrell, para pak ditësh thuhet se ‘çështja e dinarit, do të mund të zgjidhej përmes Asociacionit’.
Përfaqësuesi i Lartë i Bashkimit Evropian, Josep Borrell, në një letër të publikuar nga Parlamenti Evropian të para pak ditësh, thotë se çështja e dinarit do të mund të zgjidhej nëpërmjet Asociacionit të komunave me shumicë serbe.
“Themelimi i Asociacionit të komunave me shumicë serbe është një obligim për Kosovën sipas ligjit ndërkombëtar. Ai derivon nga Marrëveshja e Brukselit e vitit 2013, e arritur ndërmjet palëvë ne dialogun e ndërmjetësuar nga Bashkimi Evropian, e më pas, u ratifikua edhe në Kuvendin e Kosovës”, thuhet në këtë letër të z.Borrell.
Pas një kronologjie që z.Borrell ia bën Marrëveshjes së vitit 2013, aty jep referencë që kjo marrëveshje është një obligim ndërkombëta për Kosovën.
“Derisa palët nuk kanë shprehur ndonjë gatishmëri për negociata rreth statutit të Asociacionit, Bashkimi Evropian ka haruar një Draft Statuti të Asociacionit, që është konsultuar/haruar me ekspertë ndërkombëtarë dhe respekton Marrëveshjet relevante të arritura në dialog dhe po ashtu edhe përpjeken e Kosovës (e njohur për të gjitha palët rreth fijave të kuqe të mundshme).”, thuhet në letrën e Borrell.
Borrell në këtë letër, përmend edhe Draftin Evropian të Asociacionit, për të cilin thotë se Kosova është pajtuar me të, nëse do të nënshkruhej bashkë me Marrëveshjen për normalizim dhe Aneksin (e Ohrit v.j.)
“Më 21 tetor 2023, Draft Statuti i Asociacionit, i është dërguar ndarazi Kryeministrit të Kosovës dhe Presidentit të Serbisë.
Më 26 tetor 2023, Kosova e ka informuar Bashkimin Evropian se do të mund ta pranonte Draftin e Asociacionit, nëse Marrëveshja në rrugën drejt normalizimit mes Kosovës dhe Serbisë, bashkë me Ankesin dhe Draftin, do të nënshkruheshin formalisht nga kryeministri i Kosovës dhe presidenti i Serbisë. Që atëherë, përfaqësuesit e Kosovës nuk kanë marrë pjesë në diskutime për Asociacionin.
Çështja e rregullores së Bankës Qendrore të Kosovës për paratë e gatshme, prek çështje të cilat do të mund të negocioheshin në kuadër të Asociacionit të komunave serbe (statusi dhe financimi i institucioneve të administruara nga Serbia dhe inegrimin e tyre në institicuonet e Kosovës).
Bashkimi Evropian është i shqetësuar për dështimin në bisedimet paraprake dhe për pasojat që ky vendim mund t’i ketë në jetën e përditshme të serbëve në osovë dhe komuniteteve të tjera që jetojnë në Kosovë”, thuhet në letrën e Borrell.
