Gazetari i njohur nga Shqipëria Artan Hoxha që mbrëmë ishte mysafir në Pressing në T7 ka dhënë detaje të hetimeve që SPAK po i bën këngëtares së njohur Elvana Gjata.
Sipas tij, këngëtarja po hetohet pasi ajo për disa vite ka qenë e dashura e Ervin Matës.
SPAK ,sipas tij pretendon që një pjesë që Mata sillte në Shqipëri i kalonte nëpërmjet llogarive të Elvanës.
“Kjo nuk është provuar, po hetohet”, tha Hoxha në Pressing.
Hoxha sqaron se Elvana Gjata nuk është e akzuar. Sipas tij gjatë hetimeve ka rezultuar se një sasi parash është transferuar në llogarinë e këngëtares.
“bëhet fjalë për gjysme milion euro”
Ai thotë se tash duhet hetuar kush i ka marrë ato para dhe nga kanë ardhur ato para që janë derdhur në llogarinë e Elvana Gjatës.
Sipas Hoxhës, njerëzit e shoëbizzit me botën e krimit i lidh paraja dhe mënyrja e shfrenuar e të jetuarit.
Ndiqeni videon për më shumë
Ervin Mata 31 vjeç njihet si pronari i një prej hoteleve që ndodhet në “Rrugën e Dibrës”, në Tiranë, hotel i cili në fakt sipas QKB-së rezulton i regjistruar në emër të babait të tij. Ky i fundit ka në pronësi, sipas informacioneve zyrtare edhe një kompani që merret me konstruksione metalike. Kurse në emrin e Matës sipas QKB-së rezulton i regjistruar vetëm një biznes që merret me tregtimin dhe servisin e pajisjeve kompjuterike dhe ishte në proces falimenti.
Historia me Elvana Gjatën
Këngëtarja shqiptare Elvana Gjata bëri të ditur për publikun se ishte fejuar me një biznesmen nga Tirana në vitin 2017. Gjithçka ndodhi në një ceremoni intime, ku dyshja zyrtarizuan lidhjen e tyre, atëkohë 2 vjeçare, pasi njiheshin që në vitin 2015.
Por këngëtarja nuk e zbuloi kurrë identitetin e tij, deri në mbrëmjen e 4 tetorit, kur ndodhi edhe vrasja në zonën e ish-Bllokut.
Mata përflitej se ishte një biznesmen i fuqishëm që mbulonte të gjitha shpenzimet e këngëtares. Në kohën e fejesës, Gjata u largua drej Amerikës ku realizoi edhe disa projekte muzikore, dhe nuk nguronte të reklamonte në rrjetet sociale jetën luksoze që bënte, duke nisur që nga helikopteri privat, makinat e fundit dhe udhëtime të shumta.
Përflitet se edhe biznesin e fustaneve të nusërisë, Elvana e ngriti me ndihmën e Matës, të dashurit të saj, por më vonë e shiti. Para se të shpallte fejesën me Ervinin, Elvana kishte patur një kapitull shumë të gjatë, me prodhime muzikore dhe një lidhje dashurie me Flori mumajesin, të cilën nuk e pranoi asnjëri prej tyre.
Por pas përfudnimit të kësaj periudhe këngëtarja nisi të ishte më e pavarur, duke realizuar projekte e vetme. Gjithsesi zërat që qarkullonin shpreheshin se gjithçka në karrierën e Gjatës investohej nga i dashuri i saj biznesmen.
Në një intervistë për “Xing me Ermalin” këngëtarja foli për herë të parë publikisht për të fejuarin e saj, por pa i zbuluar identitetin. Ajo u shpreh saktësisht: Zoti më ka sjellë një fat shumë të mirë, është diçka që të bën të ndihesh mirë dhe ke frikë ta humbasësh.
Këngëtarja preferoi ta mbante të fejuarin e saj larg vëmendjes mediatike. Edhe kur festoi 30-vjetorin e lindjes së saj, Ervin Mata nuk ishte i pranishëm në festë, por prindërit e tij, po.
Pas vrasjes në ish-bllok, Elvana Gjata ‘u zhduk’ nga rrjetet sociale për një periudhë prej 4-muajsh. Ajo nuk postoi asgjë, pasi më datë 5 tetor profilet e saj në rrjetet sociale u ‘bombarduan’ me komente denigruese që e akuzonin se ishte lidhur me një trafikant droge. Sipas ndjekësve të saj në rrjetet sociale, Elvana tashmë kishte zbuluar se nga i vinin të ardhurat për jetën luksoze që bënte. Kjo gjë bëri që këngëtarja shqiptare të humbiste mijëra ndjekës në Instagram.
Por ishte përvjetori i pavarësisë së Kosovës, eventi që bëri që Elvana të rikthehej në skenë. Këngëtarja u shfaq e veshur e gjitha me ngjyrë blu, por një detaj nuk i shpëtoi publikut. Ajo nuk mbante më të vënë unazën e fejesës me biznesmenin Ervin Mata. Kjo gjë konstatoi se dyshja i kishte dhënë fund lidhjes.
